Австралияда Венди Маккой аттуу жаран Network 10 телеканалын көрүп отуруп, Актуанет Латуф аттуу журналисттин моюнундагы шишикти байкап калган.

Көрөрман журналист кыздын  калкан безинин чоңоюп кеткендигин, тезинен доктурга кайрылыш керек экенин телеканалдын Facebook'дагы баракчасына жазган. Телеканалдын редактору бул туурасында алпаруучу Латуфка айкан. Бирок, ал көпчүлүктөн түрдүү комментарийлер келе берет дегенсип, көңүл бөлгөн эмес. Ошентсе да Антуанет Латуф эфирди кайрадан башынан карап чыккан, бирок, өзүнө эч нерсе байкалган эмес. Кыздын тукумунда калкан безинен ооругандар көп болгондуктан, ойлонбостон эндрокринологго барып  жазылган.

Анализдердин жыйынтыгында, кызда шишик жана аутоиммундик оорулар бар деп чыккан. Эгерде кыз өз мезгилинде доктурларга  кайрылбаганда, нормалдуу дем ала албай, тамак жута албай калмак экен.  

Бул окуядан кийин, журналист көрөрманына ыраазычылыгын билдирген.

Эске салсак, эки баланын апасы Антуанет Латуф учурда Network 10 телеканалында алпаруучу болуп иштейт.

Булак: NazarNews.kg