Коомдук жана жол кыймыл коопсуздугун камсыздоо максатында, кыргыз милициясы Кытайдын компаниясы менен кызматташат. Бул тууралуу ИИМ билдирди.  

Анда айтылгандай, келишимге ушул жылдын 4-мартында өкмөт башчы Мухаммедкалый Абылгазиев кол койгон. Ага ылайык, кызматташа турган Кытайдын «CEIEC» компаниясы, күнү-түнү байкоо салган видеобайкагычтар менен камсыздайт.

Белгилей кетүүчү жагдай, бул долбоорду ишке ашырууда Кыргызстандын  бюджетинен акча коробойт. Артыкчылыгы, орнотула турган видеобайкагычтар адам жүзүн таанууга жөндөмдүү экени айтылат. Эки тараптын макулдашуусуна ылайык, кытай компаниясына керектүү жабдыктарды өлкөгө жеткирүү менен бирге аны орнотуу, монтаждоо кызматтарын жөндөөдө кеңеш берүү жоопкерчиликтери артылган.

Булак: "NazarNews.kg"