Кытайда 2024-жылы кызмат көрсөтүүлөрдүн тышкы соодасынын жалпы көлөмү биринчи жолу 1 триллион АКШ долларынан ашып, мындан ары өсүү потенциалынын чоң экенин көрсөттү. Бул тууралуу NazarNewsка ССТВ + билдирди.

Кытай Эл Республикасынын Соода министрлигинин акыркы маалыматы боюнча, 2024-жылдын жыйынтыгында Кытайдын кызмат көрсөтүүлөрдү импорттоо жана экспорттоо көлөмү 7,5 триллион юанга (болжол менен 1,05 триллион АКШ доллары) жетип, жылдык негизде 14,4% өстү. Атап айтканда, экспорттун көлөмү 18,2% жогорулап, импорттун көлөмү 11,8% өскөн.

Кытай Эл Республикасынын Соода министрлигине караштуу Эл аралык соода жана экономикалык кызматташтык академиясынын директору Ли Цзюндун айтымында, 2024-жылы Кытайдын кызмат көрсөтүү соодасынын көлөмү кеңейип, түзүмү оптималдаштырылган жана эл аралык атаандаштыкка жөндөмдүүлүгү жогорулаган. Бул глобалдык санариптештирүү, акылдуу технологиялар жана "жашыл" өнүгүү тенденцияларынын аркасында мүмкүн болду.

Ал визасыз транзит саясатынын жеңилдетилиши акыркы жылы Кытайга кирген туризмди стимулдаштырууда маанилүү роль ойногонун белгиледи.

Жаңы саясат социалдык тармактарда "Кытайга саякат" хэштегинин популярдуулугун өстүрүп, көптөгөн саякатчылар Кытайдагы таасирлери менен бөлүшүүдө. Мындай хэштег чет элдик туристтерди Кытайдын маданий кереметтери, табияты жана шаардык сейилдөөлөрү менен тааныштыруу тенденциясын жаратууда.

“Кытайга саякат” хэштеги тез таралууда жана анын популярдуулугунун өсүшү өлкөнүн кызмат көрсөтүү соодасын дагы да өнүктүрөт жана дүйнөлүк туризм индустриясынын калыбына келүүсүнө өбөлгө түзөт", - деди ал.

Ли Цзюнь Кытайдын санариптик маданий платформаларынын жана контентинин чет өлкөлөрдө популярдуулугун белгиледи. Ал "Кара уламыш»,  «Укун" видеолорунун популярдуулугун, Netflix жана YouTube сыяктуу платформаларда кытай тасмалары менен сериалдарынын кеңири жайылышын жана кытай интернет адабиятынын эл аралык окурмандар арасында популярдуулугун мисал катары келтирди.

Өткөн жылдын августунда Кытай өкмөтү кызмат көрсөтүү соодасын жогорку деңгээлде өнүктүрүү боюнча багыттарды жарыялады.

Ли Цзюндун айтымында, бул документ Кытайдагы кызмат көрсөтүү соодасын өнүктүрүүгө күчтүү саясий колдоо көрсөтөт жана ачыктыкты, инновацияларды жана эл аралык кызматташтыкты активдештирүү боюнча чакырык таштайт.

Ал Кытай өткөн жылы кызмат көрсөтүүлөрдүн трансчек аралык соодасы боюнча "терс тизмелер" системасын түзгөнүн эске салды. Андан ары бул тизмелерди керектүү учурда кыскартуу жана трансчек аралык кызмат көрсөтүү соодасын эл аралык соода-экономикалык стандарттарга шайкеш келтирүү зарыл экенин белгиледи.

Ли Цзюнь кызмат көрсөтүү соодасынын инновациялык өнүгүүсүнө арналган улуттук демонстрациялык зоналарды мүмкүн болушунча эртерээк курууну сунуштады.
Инновацияларды илгерилетүү үчүн ал өнөр жайдын санариптештирүү мүмкүнчүлүктөрүн ачууга, финансылык, консалтинг, долбоорлоо жана сертификаттоо кызматтарын көрсөтүүчү кесиптик уюмдарды колдоого чакырды. Бул уюмдардын эл аралык деңгээлде кызмат көрсөтүү жөндөмдүүлүгүн жогорулатууга жана экологиялык таза кызмат көрсөтүүлөрдү тездетип өнүктүрүүгө көмөктөшүүгө чакырды.

Ли Цзюнь санариптик соода жана кызмат көрсөтүү соодасында эки тараптуу, көп тараптуу жана регионалдык кызматташтыкты кеңейтүү зарыл экенин, ири көргөзмө аянтчаларынын ролун улантуу жана эл аралык кызматташтык парктарын өнүктүрүү маанилүү экенин белгиледи.