Айсултан Назарбаев Нурсултан Назарбаевдин небереси эмес, баласы болорун жана аны атасындай   кылып камердан  (абакта) асып кое  тургандыгын,  социалдык тармактарга жазып чыгып  сенсациялык ачылыш жасады.

Казакстандын мурунку президенттинин небереси Айсултан өздүк баракчасына  "Менин апам чоң атамды кайырмакка илген, анткени мен анын уулумун", "Жакын арада алар мени өлтүрүүгө же психологиялык жактан оорулуу экенимди далилдөөгө аракет кылышат. Же менин атамдай кылып камерада (абакта) асып коюшат", - деп жазып чыккан.

Бул  билдирүүнү окугандар арасында  бат эле талкуу жаралып,  айрымдар Айсултан баңгизаттын таасиринен ушундай сөздөрдү жазып жатат дешсе, айрымдар апасы Дарига Назарбаева мурунку президенттин өзүнүн кызы эмес деп жоромолдошууда.

Эске салсак, Айсултан көп жылдан бери баңгизатын колдонуп келери белгилүү. Былтыр ал Лондондогу өзү жашаган мейманкананын балконунан секирүүгө аракет кылып, полиция кызматкерлери сактап калышкан.

Нурсултан Назарбаевдин кызы Дарига Назарбаева Рахат Алиевге турмушка чыгып, Нурали, Айсултан аттуу 2 уул, Венера деген кыздуу болушкан. Рахат Алиев кайнатасы Нурсултан Назарбаевди сындап баштагандан кийин анын үстүнөн адамды уурдоо жана башка кылмыштар боюнча иш козголуп, Рахат мырза Европага качууга үлгүргөн. Акыры ал Австрияда колго түшүрүп, соттолгон. 2015-жылы Алиевдин жансыз денеси камерада асынган абалда табылган.

Булак: NazarNews.kg