Айыл чарба министрлиги качан болсо сынга кабылып жүрөт. Ушул күнгө чейин бир дагы жакшы сөз уккан айыл чарба министри болбосо дагы керек. Бул министрлик дыйкан өндүргөн продукциянын статистикасын алып коюп, ошону бетке кармап олтура берген институтка айланганы качан.

Башка жарытылуу деле иш кылбайт. Азыр ушул министрликти башкарып жаткан Нурбек Мурашевдин ишмердүүлүгүне дагы ар кандай сын айтылып, күчөп баратат.

Мурашев дагы башкаларга окшоп креслого жармашпай "Жетекчилик тараптан чечилсе, кызматты таштап кетүүгө даярмын" деп эркекче эле айтып салды.

Ал дагы аты эле болбосо заты жок министрликте сөз угуп олтура бергенден чарчаса керекда.

Булак: "Жаңы Ордо"