Кыргыз Республикасынын Өкмөтү тарабынан Кыргыз Республикасынын аймагында жүрүшкөн чет мамлекеттердин жарандары жана жарандыгы жок адамдар үчүн "жашыл коридордун" колдонулуу мөөнөтү узартылды. Бул тууралуу республикалык штабдан кабарлашты.

Маалыматка ылайык, 2020-жылдын 11-майына чейин Кыргыз Республикасынын бир катар региондорунда өзгөчө абал тартибинин мөөнөтү узартылганын эске алып, ошондой эле чет өлкөлөр менен авиа каттамдар убактылуу токтотулгандыгына жана чет мамлекеттердин чек аралары жабылгандыгына байланыштуу, азыркы учурда Кыргыз Республикасынын аймагында визасы бар жана визасы жок тартиптеги жактар 2020-жылдын 1-июнуна чейинки мөөнөттө чыгуучу визасы жана турган жери боюнча катталуусу талап кылынбастан Кыргыз Республикасынын аймагынан чыгып кете алат.

Муну менен катар, Мамлекеттик каттоо кызматынан билдиришкендей, каттоо мөөнөтү өтүп кеткен чет өлкөлүк жарандар 21-майда калкты тейлөө борборлорундагы паспорттук бөлүмдөр ачылганда мөөнөттөрүн узарта алышат.

Булак: NazarNews.kg