Бишкек шаарындагы Орто – Сай базарынын сатуучулары нааразычылык акциясына чыгышты.

Бул тууралуу маалыматты Бишкек ШИИБи билдирди.

Ага ылайык, кийим-кечек саткан катардын сатуучулары ижаранын акысынын жогорулашына каршы чыгышууда. Нааразычылык акциясы базардын өзүндө өтүүдө. 30дай адам ижаранын акысын көбөйтпөөнү талап кылышууда. Анткени алар арендага эле иштеп калып жатышканын айтышат.

Коомдук тартипти аталган базарда аймактык күч органдарынын кызматкерлери көзөмөлдөшүүдө.

Учурда нааразычылык акциясына чыккандар тарабынан мыйзам бузуулар каттала элек.

Эске салсак, Орто-Сай базары Бишкектеги эң кымбат базарлардын бирине кирет. Бул базарда кийим-кечектен башка дагы турмушка керектелүүчү бардык каражаттар сатылат.

Булак: NazarNews.kg