Артиллериялык бир нече снаряддар, 30-августтун кечинде Новоборзинск айылындагы үйлөргө жакын жерде жарылган. Бул тууралу Чита.ру басылмасы маалымдады.  

Анда айтылгандарга караганда, ошол күнү айылга жакын аралыктагы «Борзя-Новая» полигонунда аскердик машыгуу өткөн. Машыгуу учурунда кокусунан бир нече снаряд айылга жакын жарылган. Аскерлер 31-августта Новоборзинскинин тегерек-четин изилдеп чыгышканда жабыр тарткандар болгон эмес. Бирок, үйлөрдүн терезелери талкаланып калгандыгы айтылган. Ал эми Борзя районунун башчысы Юрий Сайфулин жардыруу болгонун моюндаганы менен, келтирилген зыяндын кесепеттери тууралуу айтуудан баш тарткан.

Булак: "NazarNews.kg"