Орусияда "Энелик капитал" тун баласын төрөгөн аялдарга бериле баштайт жана эки балалуу болгон үй-бүлөлөр үчүн бул каражаттын суммасы көбөйөт. Бул тууралуу Орусиянын президенти Владимир Путин  кечээ, 15-январда Федерация Кеңешинде элге кезектеги, 16-кайрылуу менен чыкты.

Президент, Орусияда  балдар өтө аз төрөлүп жаткандыгына байланыштуу, "Энелик капитал" программасы 2021-жылдан  2026-жылга чейин узартылаарын, бюджеттен балдар үчүн жаңы жөлөк пул каралганын билдирди. 

Мындан тышкары, Путин балдардын төрөлүшүн көбөйтүш үчүн жакыр үй-бүлөлөр балдары жети жашка чыкканга чейин жөлөк пул төлөөнү сунуш кылып, жөлөк пул алуунун жол-жобосунун түйшүгү азайтылаарын кошумчалады.

Булак: NazarNews.kg