Ош шаарындагы кафелердин биринде массалык мушташ болуп, ал ок атышуу менен коштолду. Бул тууралуу аталган шаардын ИИБнин басма сөз кызмат билдирди. 

Маалыматка ылайык, окуя 26-ноябрда катталган. 25 жаштагы эки жигит менен 21 жаштагы эки жигит мушташа кетишкен. Мушташ учурунда белгисиз куралдан атылган октун үнү угулган. 21 жаштагы жигиттердин бири  ооруканага жаткырылган. Жаракаты жеңил болгондуктан жардам көрсөтүлгөндөн кийин ооруканадан үйүнө чыгарылган.  Дарыгер милицияга кабарлап, аталган факты боюнча кылмыш иши ачылган. Бирок, конфликттин катышуучулары бул фактыны моюнуна алышкан эмес. Учурда иликтөө иштери жүрүүдө

Булак: NazarNews.kg