Маалыматка ылайык, Өзбекстан Иш менен камсыздоо жана эмгек министрлиги 2019-жылы пахта жыйноо кампаниясы учурунда айып пулга жыгылган чиновниктердин тизмесин жарыялады. Бул тууралуу Борбордук Азия жаңылыктары жазып чыкты.

Аткаминерлер мажбурлап иштетүү жумуштарын уюштуруудагы кемчиликтери үчүн жоопкерчиликке тартылышкан.

Белгилей кетсек, тизмеге 43 чиновник кирген, алардын арасында эки район акими жана алардын беш орун басары, банктардын жетекчилери, мектеп директорлору жана соода комплексинин жетекчиси бар. Айып пулга жыгылгандардын көбү – Самарканд облусунун чиновниктери.

Алар «Эмгекке мажбурлоо» беренеси боюнча айыпталып, 230 доллардан 700 долларга чейин айып пул төлөөгө милдеттендирилген.

Булак: NazarNews.kg