Сак болгула! Муз тебем деп бир адам каза тапты

Журналист: NAZARNEWS

29.01.2020, 10:18

25581

кылмыш жана кырсык

Казакстандын Талды-Коргон облусунун тургуну баллон менен муз тээп келе жатып, кырсыктап каза тапты. Бул тууралуу казак басылмалары жазыр чыкты.

Аталган маалымат социалдык тармакка чыгарылган.

"24-январда, бешинчи күнү, Текели лыжа базасынын жанында бир тууганыбыз баллондон учуп кетип көз жумду. Омурткасы үч жеринен сынып, ооруканага жетпей калды...", — деп жазып чыгышкан.

Посттун автору ошол күнү дагы бир кыздын кырсыктаганы туурасында жазды. Анын айтымында, жергиликтүү бийлик коопсуздукту камсыздоо боюнча тиешелүү чараларды көрбөйт. Социалдык тармактарда баллон менен муз тебүүгө тыюу салууга чакырык ташталууда.

Алматы облусунун полициясы кырсыктуу окуя Казакстандын Кылмыш кодексинин 306-беренеси ("Коопсуздук талаптарына жооп бербеген товарларды өндүрүү, сатуу же кызмат көрсөтүү") менен иш козголгондугун билдирген. Эгерде кызмат көрсөткөн тарапты сот күнөөлүү деп чечсе, ал жарандар төрт жылдан сегиз жылга чейин эркинен ажыратылат.

Булак: NazarNews.kg