Башында эле айтып коеюн; Музейдеги кыргыздын келечегин батыштын грантына алмашкан жинди катындардын "феминалле" акциясын колдобойм. Алар аялдардын укугун коргогондун ордуна кордошту. Мындай жинди иш-чарага каршымын абдан. Анан илимий изилдөөдө энеден туума аялзаты анчейин деле  козгобойт. Тем более дене мүчөсү 90×90×90 стандартына жакын бочкелердики. Каалашынча көрсөтсүн, бирок, баары бир. Андан көрө чыпчыя кийинип, мамактын жарымын көрсөткөн, көйнөгүнөн түрсүгү чыга кийим кийген кыз-келиндердин кийими денени дүркүрөтөт. Ар кандай арам ойго жетелейт. Көз зынасын, ой зынасын кылдырат. Ансыз деле зына көп болуп жатат.

Кыздарыбыз Кыргызстанда, чет жерлерде кор болушту. Көбү жакшы максат менен иштегени кетишкен. Жаштык дене акыры өз ишин кылат. Мунун баарына кыздарыбызга, карындаштарыбызга, аруузат аялдарыбызга шарт түзүп бере албаган шалтурук эркектер күнөөлүүбүз. Ошолордун кийимине, тартибине маани бербей күнүмдүк жашоонун агымына бой урган. Эсибизге келели, жигиттер! Алла Таала аманатка берген аялзатын коргойлу. Чечинтпейли. Паранжа жамынталы дегеним жок. Азыр аялзатына ылайык заманбап, кенен кийимдер толтура. Алып берели. Кийинтели. Акыретте бул маселеде; аялыңдан, кызыңдан, карындашыңдан сөзсүз сураласың. Шундака.

Автор: Семетей Талас уулу