Мурдагы Башкы прокурор Азимбек Бекназаров Сооронбай Жээнбеков өлкөнүн мурдагы президенттери менен жолугуп, өнүгүүнүн жолун бирге талкууласа болмок деген ойдо. Бул тууралуу ал бүгүн уюштурган пресс-конференциясы учурунда айтты. Анын баамында учурдагы президент мындан мурдагы өлкө башчыларынан айырмаланып турат.

-Азыркы тапта мени Сооронбай Жээнбеков менен жолугуп, сүйлөшүп алды деп сын-пикирге алышууда. Мен беш президентти көрдүм. Алардын бири дагы ага карата сын айткандарды жактырган эмес. Алар андай адамдардан кутулуунун жолун издешкен. Ал эми учурдагы президент элдик курултайдын кеп-кеңештерин укту, - дейт Кыргызстандын Малайзиядагы элчиси Азимбек Бекназаров.

Ошол эле учурда элдик курултай иштеп чыккан сунуштарды Жогорку Кеңештин айрым депутаттары четке кагып жаткандыгына нааразы экендигин билдирди.

Булак: NazarNews.kg