Москванын 16 жаштагы тургунунун сулуулук салонуна барганы уруп-сабоо жана полицияга билдирүү менен аяктаганын "112"  Telegram-канал билдирди.

Кызга чоң арзандатуу купону менен келгенин жактырбаган мекеменин кызматкерлери кол салышкан.

Жабырлануучу чач кырктырып, аны боёо үчүн жазылган, ага 22,8 миң рубль акча каражаты кетет болчу. Бирок купон менен кыз болгону 4,5 миң рубль төлөмөк. Канал тактагандай, салондо атайын убакытка жазылууда да эле көйгөйлөр башталган - администратор ар кандай себептерди айтып, аны башка күнгө жылдыра берген. Акыры кызматка жеткенде кыз орой мамилеге туш болуп, андан кийин оозеки чыр-чатак кол салууга чейин жеткен.

Кыз менен апасын эки чоң киши тепкичтен түшүрүп салышкан. Жабырлануучулар милицияга кайрылып, алар сабалганын жаздырып алышкан. Канал кошумчалагандай, салон көптөгөн оң пикирлер менен мактана албайт. Салондун кардарлары кызматкерлердин орой мамилесине дайыма арызданышат.

Булак: NazarNews.kg