СҮРӨТ - Миллионер аялдын өлүгү муздаткычтан табылды

Журналист: NAZARNEWS

31.10.2019, 2:36

22584

дүйнө жүзүндө

Таиланддын Чиангмай шаарында 58 жаштагы миллионер аялдын жансыз денеси бетондолгон абалда өз үйүндөгү муздаткычтан табылган. Бул тууралуу дүйнөлүк маалымат булактары жазып чыкты.
Маалыматтарга караганда, Вонни Жирахароенинг аттуу миллионер аял курулуш тармагында ишкерлик менен алектенип, кайрымдуулук иштерин көп жасачу. Ал 18-октябрдан баштап жакындарына байланышка чыкпай калган жана аны эч ким көргөн эмес.
27-октябрда Жирахароеннингдин кошуналары анын үйүнөн жагымсыз жыт чыгып жатканын айтып укук коргоо кызматкерлерине кабарлашкан. Полиция кызматкерлери маркумдун жансыз денесин муздаткычтан табышкан.
Көп өтпөй Воннинин банктык эсебинен көп суммадагы акча алынганы билинген. Мындан сырткары, анын автоунаасы менен банктык картасы да жоголгону маалым болгон.
Маалымат боюнча, азыркы учурда полиция кызматкерлери тарабынан иликтөө иштери жүрүп жатат. Воннинин өлүмүнө анын курбусу шектелип, ага издөө салынды. Шектелип жаткан адам бир нече банкоматтардан көп суммадагы акча алганы видеокамерага түшүп калган.
Булак: NazarNews.kg