Тамеки сатууга тыюу салынабы?

Журналист: NAZARNEWS

04.10.2019, 0:40

15514

саясат

“Менин колумда кооз таӊгакталган насвай турат. Индиядан контрабандалык жол менен алынып келиптир”. Бул жарнама эмес, депутат Айнуру Алтыбаеванын бүгүн 3-октябрдагы парламенттин жыйынындагы көтөргөн маселеси.

Ага ынана турган болсок, насвайдын акциздик маркасы болгон эмес. Ошондуктан муну укук коргоо органдары тактап, ага бөгөт коюшу зарыл экенин эскертет Алтыбаева.

- Бул насвай пакети жөн эле кооз пакет эмес, «Рахат алыӊыз!» деп бадырайта жазганына караганда, адамдарды насвай чегүүгө үндөп жатат. Эгер биз жарандарыбыздын саламаттыгына чындап эле кам көрөлү десек, анда насвайга, тамекиге, алкоголдук ичимдиктерге тыюу салган мыйзам кабыл алып, анын аткарылышын катуу көзөмөлгө алышыбыз керек. Ансыз мындай көйгөйлөрдүн чечилиши кыйын», - деди депутат.

Депутат айымдын айтымына караганда, насвайдан жылына 6 миӊден ашуун адам өлөт. Мындан улам, калктын ден-соолугуна кам көрүүнү биринчи орунга жылдыруу сунушун киргизди.

Расмий маалыматтарга таянсак, 2016-жылдын сентябрь айларында “Тамекинин зыяндуу таасиринен жарандардын ден соолугун коргоо жөнүндө” Кыргыз Республикасынын Мыйзамына өзгөртүүлөр кирген.

1996-жылдын январь айында Акциздик марка киргизилип, 200 миң даана тамекиге акциздик марка алынса, 2011-жылы анын саны 208 миллион даанага жеткен.

Булак: NazarNews.kg