The Guardian «Ислам мамлекети» тобунун жаңы лидеринин аты-жөнүн жарыялады

Журналист: МЭЭРИМ ДҮЙШЕЕВА

21.01.2020, 14:47

25222

борбордук азия жаңылыктары

Учурда «Ислам мамлекети» (ИМ) террордук тобунун жаңы лидери Амир Мохаммед Абдель Рахман аль-Мауля. Бул тууралуу Британиянын The Guardian гезити атайын кызматтардагы булактарына шилтеме кылып билдирди.

#BREAKING The Guardian has revealed the profile of the new #ISIS leader - Amir Mohammed Abdul Rahman al-Mawli al-Salbi, one of its forefathers, who was responsible for the Yazidi enslavement pic.twitter.com/tEMm4NjShn
— Guy Elster (@guyelster) January 20, 2020

Басылманын маалыматына караганда, ал ИМ тобунун түптөөчүлөрүнүн жана идеологдорунун бири болуп эсептелет. Амир Абдель Рахман террордук топту октябрдын аягында, анын мурдагы лидери Абу Бакр аль-Багдади АКШнын Сириядагы атайын операциясында өлтүрүлгөндөн кийин жетектеп калган. Вашингтон аль-Маулаяны же ИМдин башка жогорку даражадагы мүчөлөрүн колго түшүрүүгө жардам бере турган маалымат үчүн 5 миллион доллар убадалаган.

Амир Мохаммед Абдель Рахман аль-Мауля – Иракта жашаган түркмөн үй-бүлөсүнөн чыккан. Ал ИМ тобунун араб тектүү эмес лидерлеринин бири. 2004-жылы америкалык аскерлер тарабынан кармалып, Ирак түрмөсүнө камалган. Ал жерден Аль-Багдадиге жолуккан.

Атайын кызматтын өкүлдөрү учурда «Ислам мамлекети» тобунун жаңы лидери каякта экенин так билишпейт. Болжол менен ал Ирактын Мосул шаарынын батыш тарабында жашырынып жүрөт.