Россияда эмгектенип жүргөн 11 өзбек жараны,  жеке турак үйдөн чыккан өрттөн  каза болду. Бул тууралуу орус маалымат булактары жазып чыкты.  Маалыматка караганда бүгүн, 21-январга караган түнү   Томск облусундагы жеке турак үйдөн өрт чыккан. Өрттөн имараттын чатыры урап түшүп, адамдар каза болгон. Азыркы учурда, каза болгондор чет жактан келип иштеген мигранттар экени айтылууда.

Жыгачтан салынган бир кабаттуу үйдө "Гринвуд" ишканасынын тактай даярдаган 12 жумушчусу баш калкалап, жашап турган.  Алар Өзбекстандын жарандары болгондугу айтылууда.

 Кырсык 208 чарчы метр жерди камтыган. Аны өчүрүүгө 39 киши тартылып, атайын 14 техника колдонулган.

Булак: NazarNews.kg