www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кечээ, 2-июнда Баткенде тиешелүү документтери жок, селитра жүктөлгөн унаа кармалды. Бул тууралуу Улуттук коопсуздук мамлекеттик комитетинин басма сөз кызматы билдирди.
Маалыматка ылайык, УКМК тарабынан Финансы министрлигине караштуу Мамлекеттик бажы кызматынын “Баткен” бажысы менен биргеликте контрабандага каршы аракеттенүү жаатындагы ыкчам-издөө иш-чараларынын жүрүшүндө, “Развилка” стационардык постунан Халмион айылы – Баткен шаары багытында бара жаткан Кыргызстандын Ы.З.А. аттуу жаранынын башкаруусундагы “Хово” үлгүсүндөгү автоунаа кармалган.
Унаанын айдоочусунун айтымында, унаага майда уратылган таштар жүктөлгөн. Бирок дыкат текшерүү учурунда майда таштардын астынан Өзбекстандан чыгарылган 285 кап минералдык жер семирткичтер (селитра) табылган. Ошондой эле айдоочуда ташылган минералдык жер семирткичтерге тиешелуу укук белгилөөчү документтер болгон эмес.
Кармалган унаа Баткен шаарындагы бажы терминалына алынып келинип, таразага тартылгандан кийин, ташылган селитранын жалпы көлөмү 14 миң 250 кг түздү. Жүктүн болжолдуу баасы 570 миң сомду түзөт.
Учурда бул факты боюнча КР Кылмыш-жаза кодексинин 231-беренесинде ("Экономикалык контрабанда") каралган кылмыш белгилери боюнча сотко чейинки өндүрүштү каттоо маселеси каралууда.
Булак: NazarNews.kg
< Предыдущий
Следующий >
Последние новости
