Акча дегенде атасын кошо саткан арсыздар улуттук баалуулуктарыбыздын таш-талканын чыгарып бүтмөй болду. Көөдөнү сокур, көкүрөгү көр болгон пенделер менен сырттан келген дили бузуктар калпагыбызды итке кийгизип жана тилибизди туура эмес которуп шылдыңдаганына күбө болсок, эми рухий дөөлөтүбүздөгү ыйык ысымдарды атың өчкүр аракка коюп келекелешүүдө.

Жакындан бери өлкөбүздөгү ичимдик менен алектенген ишкананын бири «Манас», «Бакай», «Кошой» деген арак, «Семетей», «Ала-Тоо» деген аталыштагы коньяк чыгара баштады. Намысыбызга келбейлиби, туугандар! Улуу мурасты коргоо үчүн мыйзам дагы жазылган, аны качан иштетип, ата-бабанын арбагын тебелеп-тепсегендерди качан тизгиндейбиз?

Булак: “De-facto”