Бишкектеги троллейбустардын биринде жаш жигит андагы баардык жүргүнчүлөргө кайрылып, алардын көзүнчө сүйгөн кызынын колун сурады.

Бул көрүнүш тартылган видео декабрь айынын биринчи күнү соцтармактарга тарады.

Анда жигит жүргүнчүлөргө бул кыз менен туура бир жыл мурун дал ушул троллейбустун ичинде таанышканын айтып, “Мен сиздердин баардыңыздардын алдыңыздарда бул кызды бактылуу кылам деп сөз берем жана сиздердин алдыңыздарда “Жаным Нурайда, сенин колуңду сурайм?!”, - деп чөнтөгүнөн шакек алып чыгып сунду.

Алгач тескери карап турган кыз шеригинин “Амей, макул дебейиңби, эй!” дегенинен кийин кайра бурулуп, “Тамашоу!” деп макулдугун берди.

Жүргүнчүлөр жана жигиттин достору окуянын мындай жыйынтыгын кол чабуулар менен кабыл алышты.

Булак: NazarNews.kg