“Демократия жана жарандык коом үчүн коалиция” уюмунун президенти Азамат Адилов грантка келген каражаттарды жеке кызыкчылыгына пайдаланып, кызматтык унаалар үчүн бөлүнгөн күйүүчү майдын талонун кымырып, өзүнүн жеке унаасына куюп жатканы тууралуу видео-тасманы “Учур” маалымат баракчасы жарыялады.

Жарыяланган видеодо Азамат Адилов 3 жолу “ГазПром” май куючу жайына келип, өзүнүн айдоочусу экөө бензин куюп жатканы тартылган. Аталган уюм, Кыргызстанда жарандардык укуктарын коргоо жана ар кандай терс көрүнүштөргө каршы аракеттерди жүргүзүү багытында иш алып барат.

Бирок, аталган уюмдун президенти өзү жагымсыз аракеттер менен алектенип жатканы аталган уюмга болгон элдин ишенимин жоготуп, жийиркенүү сезимин жаратат.

Булак: NazarNews.kg