Жайдын этегинде Бишкектин түштүк тарабында президенттин катышуусу менен жакшы бир эс алуучу жай ачылган.

Ага дагы атайын эл ынтымактуу, биримдиктүү болсун деген ниетте “Ынтымак” деген ат ыйгарылган. Чындыгында, анысы жок деле Бишкектеги көрктүү аймактын үстүнө дагы бир көртүү жай кошулуп, жыргап калдык эле. Ал жерге убагында эл зээрикпесин, таланты ашып-ташкандар музыкалык аспапта ойноп, убактыларын көңүлдүү өткөрүшсүн деген максатта шаар кызматкерлери пианино дагы орноткон. Эми ал пианинону колу кычышкандар сындырып, бүлүндүрүп кетишиптир. Аспаптын үнү чыкпай, айрым клавишаларын жулуп тынышыптыр вандалдар.

Деги аң сезимибиз оңолчу күн келээр болду бекен? Жөн турган музыкалык аспапта эмне күнөө десең...

Булак:NazarNews.kg