Кытайдын Ухань шаарындагы ооруканалардын биринде, коронавируска чалдыккан бейтаптарды дарылап жаткан эки дарыгер вирус жуктуруп, дарылануу учурунда экөөнүн тең терисинин өңү өзгөрүп, карарып кеткен. Бул тууралуу “Daily Mail” басылмасы жазып чыкты.

Маалыматка ылайык, экөө тең 42 жашта болгон. Алар Ю Фан жана Ху Вейфенг аттуу дарыгерлер январь айында Ухандагы ооруканада бейтаптарды дарылап жатканда өздөрү вирус жуктуруп, абалдары өтө оор болгон.

Жергиликтүү дарыгер Ли Шушенгдин айтымында, эки бейтаптын териси дарылоонун башталышында алган дары-дармектердин натыйжасында карарып кеткенин айткан.

“Экөөнүн тең терисинин өңү убакыттын өтүшү менен калыбына келет деп үмүттөнөм”, - деди ал.

Булак: NazarNews.kg