Кытай коркунуч же чакырык эмес, эл аралык коомчулуктун бардык өлкөлөрүнүн өнөктөшү. Бул тууралуу Кытайдын Тышкы иштер министрлигинин расмий өкүлү Ван Вэнбинь билдирди. Аталган маалыматты NazarNews'ка Кытайдын CCTV-plus агенттиги тастыктады.

"Кытай - чакырык же коркунуч эмес, өнөктөш жана бардык өлкөлөр үчүн өнүгүү мүмкүнчүлүктөрүн камсыздоочу. Биз АКШны "нөл суммадагы" менталитеттен баш тартып, заман менен кадам таштоого үндөйбүз. Эскирген "Кытай коркунучу теориясын" көбүртүп-жабыртуунун ордуна келечексиз “тар чөйрөлөрдү” түзүү менен АКШ ачыктыкка, инклюзивдүүлүккө жана өз ара пайдалуу кызматташууга негизделген жаңы концепция түзүп, эл аралык тынчтыкты жана өнүгүүнү илгерилетүү үчүн практикалык аракеттерди көрүшү керек”, - деди Кытайдын Тышкы иштер министрлигинин өкүлү.

Эске салсак, АКШнын президенти Джо Байден менен Улуу Британиянын жаңы премьер-министри Риши Сунак телефон аркылуу сүйлөшүүдө Кытайдан келген чакырыктарга жооп берүү үчүн кызматташуунун маанилүүлүгүн белгилешкен.

Булак: NazarNews.kg