Кыргызстанда өтө турган марафонду президент аябай кубануу менен колдоп жатат. Бул тууралуу кечээ, 4-августта NazarNews маалымат агенттигине президент Садыр Жапаровдун кеңешчиси Руслан Кыдырмышев билдирди.

--“Кыргызстанда эл аралык деңгээлдеги “Issyk-Kul Swim 181”, “GAMMA REvolution Fest’21” жана “Issyk-Kol Race 2021” деген аталыштагы марафон өткөрүлөт экен. Бул саамалыкты президент Садыр Жапаров аябай кубануу менен колдоп жатат. Болгон жардамды бергенге даярбыз. Кыргызстандын кереметүү жеринде уюштурулганы бул мамлекетке чоң пайда болот.

Биз муну менен Кыргызстандын атын жакшы жактан чыгарып, экинчиден туразмге басым жасап, экономиканы көтөрүүгө көмөктөшөбүз. Чет өлкөлүк жарандар келет, мындан сырткары массалык маалымат каражаттары, социалдык тармактар дагы көрүп, бир келип көрүп кеткенге кызыгышат. Туристтердин агымы дагы өсөт деген чоң үмүт бар.

Андыктан кыргыз элин, ким бул иш-чараны уюштурууга, каражат жагынан көмөктөшөм десе катышсын. Ар бир адам мамлекетке өз салымын кошсо болот”, - дейт Кыдырмышев.

 Кошумчалай кетсек, Кыргызстанда эл аралык деңгээлдеги “Issyk-Kul Swim 181”, “GAMMA REvolution Fest’21” жана “Issyk-Kol Race 2021” деген аталыштагы марафон өткөрүлөт. “GAMMA” марафону 24-29-августка чейин уланып, Кыргызстандын бермети болгон Ысык-Көлдө өткөрүлөт.  

Аталган марафондун негизинде Ысык-Көлдө сууга сүзүү, веложарыш, шахмат болот. Ошону менен катар блогерлердин, IT тармагынын өкүлдөрүнүн жана ишкерлердин форуму өткөрүлөт. Мындан сырткары кино фестивалы дагы уюштурулат.

Булак: NazarNews.kg