Кумтөрдү өкмөт өз башкаруусуна алгандан кийин 2021-жылы кенде өндүрүлгөн алтындын 10 тоннасы Кыргызстандын өзүндө калды. Бул тууралуу бүгүн, 24-ноябрда Жогорку Кеңеште бюджет маселеси каралып жатканда Министрлер кабинетинин төрагасы Акылбек Жапаров билдирди.

Анын айтымында, быйылкы жылдын жыйынтыгы менен 17,2 тонна алтын өлкөнүн өзүндө калат деп божомолдонуп жатат.

Өкмөт башчынын билдиришинче, Кумтөрдөн Кыргызстанга төлөнгөн дивиденддердин жалпы көлөмү 2010-2021-жылдары 11 жылда 5,3 миллиард сомду (90,8 миллион доллар) түзсө, быйылкы 2022-жылы 10 айда салык, салыктык эмес жана келишимдерде каралган төлөмдөрдөн 26,5 миллиард сом түштү.

Булак: NazarNews.kg