АКШ Афганистандан аскерлерин чыгарып кетүүдө бул өлкөгө кандай мамиле жасаган болсо, эми аны Украинага дагы кайталашы мүмкүн. Бул тууралуу Hill басылмасына чыккан макалага таянып РИА Новости агенттиги жазды.

"АКШ кайсы бир этапта өз кызыкчылыгы үчүн аракет жасайт, Трамптын администрациясы Афганистандан аскерлерин чыгарып кетүү жөнүндө афган өкмөтү менен эмес, талибдер менен сүйлөшкөндөй эле кеп", — деген басылманын баяндамачысы Харлан Ульман.

Ошондой эле ал Пентагондун айрым өкүлдөрү Украинадагы жаңжалды "чоң Россия менен кичи Россиянын күрөшү" деп сыпатташарын кошумчалаган.

"Бул эгерде чыр-чатак дагы созула турган болсо Украинанын Россияга туруштук бере алышы күмөн дегенди билдирет", — деген Ульман.

Баяндамачы Ак үй менен НАТО тараптан Украинага берилип жаткан жардамдар жөнүндө айтып жатып алардын аскердик жана башка көрсөткөн жардамдары колдоосу, жашоо үчүн жетиштүү болорун белгилеген. Бирок бул жардамдардын да өз максаты бар экендигин кошумчалаган.

Баяндамачы "АКШ менен НАТО Украинага колдоо көрсөтүү боюнча бир пикирге келишкени менен бул "биримдиги" жаңжал узакка созулган учурда уланабы?" деп суроо салды.

Россия 24-февралдан бери Донбассты киевдик нацисттерден бошотуу боюнча атайын операция өткөрүп келет. Президент Владимир Путин анын максатын "сегиз жылдан бери Киев режими тарабынан кыйноого жана геноцидге дуушар болгон адамдарды коргоо" деп атады.

Сентябрда Россия президенти Владимир Путин РФтин курамына Луганск, Донецк республикаларынын, Запорожье жана Херсон облустарынын кириши боюнча конституциялык мыйзамга кол койгон. Анда Россия лидери жаңы аймактардагы украин аскерлери талкалаган инфраструктураны калыбына келтирип, камсыздай турганын айткан.

Россия буга чейин НАТО өлкөлөрүнө Украинага курал ташуусуна каршы нота жөнөткөн. Тышкы иштер министри Сергей Лавров Украинага берилген ар бир курал Россия үчүн мыйзамдуу бута болорун белгилеген. Ал эми президенттин маалымат катчысы Дмитрий Песков Батыш тараптын Украинаны куралдандыруусу орус-украин сүйлөшүүлөрүнө кедергисин тийгизерин жана кесепети оор болорун айткан.

Булак: NazarNews.kg