Казимир Малевич, кадимки эле «Ка­ра квадрат» деп аталган сүрөттүн автору. Бул сүрөт өзүнүн аталышындай эле ква­дратты толугу менен кара боекко боеп койгон. Болгону ошол, эч бир суктанды­рчу нерсе жок.

Кыргызстандын бүгүнкү парламентин карап олтурсаңыз ошол абстракционизмдик сүрөттөй эле болуп калгандай. Өзүнчө түшүнүксүз бутак бо­луп. Айтор, канчалык каалабасак да азыр Кыргыз парламентининде (арасында ан­ча-мынчасын эсепке албаганда) келечек­ти түз, таамай көрө билген ачык айкын иш сезилбей жатат. Алар болсо өзгөчө акыркы учурларда элдин оозуна шумдук­туудай упчуну «эмизишүүдө». Айрымда­рынын сүйлөгөн сөздөрүн уксаң андагы депутат Жолдошбаев айткандай эмес, чындап, чачыңдан тырмагыңа чейин уя­ласың. Деген менен эл ишенип шайлаган жол баштаарлардын көчү али да караң­гыдай.

Жогоруда айтылгандай Мале­вичтин «Черный квадрат» деген сүрөтүн­дөй эле «капкара» . Жаңы Баш мыйзам боюнча эң жогорку бийлик болгон ошол Жогорку Кеңеште жаңы шайлоо жакын­даган сайын дүпүлдөмүш этип түр көр­сөтүп жатышканы менен баары бир эле биз кеп кылып салыштыргандай сүрөт.Анан бир убакта жандана түшүшөт дей­сиң, айрыкча кайсы бир министирлик­тин креслосу бошоп же кимдир бирөөнү жетектөөчү кызматка дайындоо учурла­рында. Ошондо байкасаңыз, көпчүлүк­тү түзүүчү коалициянын фракциялары аткаруу бийлигиндеги бийликти ата мурасындай (нотариуссуз) бөлүшүп алышып, жек-жааттарын, тууган-тууш­кандарын ишке орноштуруу менен че­белектеп жаткандай «сүрөт». Анан да бир убактарда алардан өйдө жакта турган тараптан «соккон шамалдын» илебинен уламбы, же коомчулуктун көзүнчө иштеп жатабыз деп түр көрсөтүшкөнүбү «кал­дыр-кулдур» боло түшүшөт да тигил же бул иш боюнча комиссия түзө салышып, бир нерселерди чукуп, анан ошонусу ме­нен эл үчүн укмуштай иш жасап жаткан түр көрсөтүп, «күжү-күжү» болуп калы­шат. Анандан да кейиштүүсү-ал «мый­замчылар» көп учурларда иш тартибин өздөрү каалагандай бузуп жатышканын укмкасан-көрмөксөн болгонунда.

Ушул сыяктууларын айта берип «шүмшүк», эркин ММКлардын тилде­ри да тешилип бүтмөй болду. Алардын андай экенин жамы-журт көрүп олту­руп, акыркы учурларда алар деле көр­гүлөрү келбей калган окшойт? Кайран гана Жогорку Кеңеш! «Уялбагандан өзүң уял» дегендин накта «Родинасы» болмой болду го?

Сөзүбүздүн башында Казмир Мале­вичтин абстракционизимдик сүрөт ис­кусствосун айткан себебибиз да ушул.Жана да бир жолу салыштыруу менен ай­тканда азыркы Кыргыз парламентинин корпусу реализмден алыстаган искус­ствонун орбитасында жөн гана калкып, калкып гана калгандай. Кунарсыз дагы...

Булак: "Айгай"