Пенсия,  айлык акы жана башка социалдык төлөмдөр боюнча кечиктирүүлөр болбойт деди бүгүн премьер-министр Мухаммедкалый Абылгазиев. Ал үчүн бюджеттен жетиштүү түрдө акча каражаттары дагы каралыптыр. Деги, социалдык төлөмдөр мыйзамда каралган акча каражаттары. Ал эми анын кол алдындагы Соцфонддун төрагасы Медер Ирсалиев болсо кечээ күнү каражаттын жетишсиздиги байкалып жаткандыгын айтып, 2020-жылдын алдыңкы айларында пенсия, пособие, айлык акылар боюнча төлөмдөр кечеңдетилип калышы мүмкүн деп  сайрады эле парламенттин жыйынында. Бүгүн болсо ал сөзү үчүн премьер аны “асып” кое жаздады. “Колуңан келбесе иштен кете берсең болот” -  дегендей эле кылды.  

Булак: NazarNews.kg