Аталган мекеменин басма сөз кызматы билдиргендей, Асанбаев чет өлкөлөрдөгү кыргызстандыктарга колдоо көрсөтүү боюнча координациялуу иш жүргүзүү жана маданий-гуманитардык кызматташтыкты илгерилетүүгө көмөктөшөт.

Белгилей кетсек, Алмаз мырза буга чейин Миграция кызматынын жетекчисинин орун басары болуп бир топ жыл комитетинде иштеп келген.

Буга чейин президент Сооронбай Жээнбеков “Чет өлкөдөгү мекендештер менен байланыштар боюнча кеңеш жөнүндө” жарлыкка кол койгон. Кеңеш чет жакта иштеген мигранттардын маселелерин чечип, колдоо көрсөтүү, Кыргызстандагы ар кандай экономикалык долбоорлорго мекендештердин инвестиция салышына көмөктөшүү жана башка багыттарда иш алып барат. Ал милдетти жүзөгө ашыруу, координациялоо Тышкы иштер министрлигине жүктөлгөн жана бул органды президенттин аппараты көзөмөлдөйт.

Эскерте кетсек, ал быйыл жайында премьер-министр Мухаммедкалый Абылгазиевдин буйругу менен кызматтан бошотулган.

Булак: NazarNews.kg