Ааламдашуу доорунда китеп бир бурчка бөлүнүп, ага убакыт калбай бараткандай өңдөнөт. Ошенткени менен интернет, телефон, ар кандай гаджеттер баары бир китептин ордун баса албайт. Китеп окуганда мээнин клеткалары ишке кирип, эске тутуу, ой жүгүртүү функциялары күчөйт. Бүгүнкү күндө жаш наристелерибиздин дагы бала кезинен китепке болгон сүйүүсүн ойготуу зарыл.

Учурда балдарга арналган түрдүү жанрдагы китептер бар. Айрыкча адабият балдардын фантазиясын өркүндөтүүдө, коомдо калыптануусунда маанилүү. Балдар көркөм адабияты жаш муундарды ар тараптан тарбиялоонун куралы катары кызмат кылуу менен алардын эстетикалык, нравалык сезимдеринин өсүшүнө жана калыптанышына, образдуу көркөм сүйлөөсүнө, өз ой-пикирин системалуу туура айтып бере билүүсүнө, эне тилдин байлыктарын түшүнө жана аны пайдалана алуусуна зор таасир этет.

Булак: "Dе-факто"