www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

Коронавирустун "дельта" штаммы COVID-19га каршы жамааттык иммунитеттин пайда болушун жокко чыгарууда. Бул тууралуу AstraZeneca вакцинасын иштеп чыккан топтун жетекчиси, профессор Эндрю Поллард британ парламентинде сөз сүйлөп жатып билдирди.

"Маселе бул вирус кызамыктай эмес экенинде. Эгер кызамыкка каршы калктын 95 пайызы эмдөөдөн өтсө, кызамык вирусу андан ары жукпайт. Коронавирустун "дельта" штамы эмдөөдөн өткөндөргө да жугат. Бул деген эмдөөдөн өтпөгөндөр кайсы бир учурда баары бир вирусту жуктурат... анан бизде муну толугу менен токтото турган эч нерсе жок дегенди билдирет", - деген окумуштуу.

Анын айтымында, жамааттык иммунитетке жетүү "жомок" болуп баратат.

Ошол эле маалда Эндрю Поллард учурда дүрбөлөң түшүүгө себеп жок экенин, себеби азыркы вакциналар вирустун жугушунан сактабаса да, COVID-19дун оор өтүшүнөн сактайт жана өлүмгө бөгөт коюуга кудуреттүү.

Ушул тапта Улуу Британияда калктын 75 пайызы коронавируска каршы вакцинанын эки дозасын тең алды. Муну менен бийлик чектөөлөрдүн көбүн жойду.

Оксфорд университети британ-швед компаниясы менен иштеп чыккан AstraZeneca вакцинасы Евробиримдикте жактырылган COVID-19га каршы төрт препараттын бири. Анын коронавируска каршы орточо эффективдүүлүгү – 70 пайыз, вирустун "дельта" штаммына каршы коргоо мүмкүндүгү – 60 пайыз.

Булак: NazarNews.kg

Последние новости