Салык кызматы мамлекеттик кызматкерлердин 2021-жылдын жыйынтыгы боюнча кирешеси тууралуу декларациясын жарыялады. Экономика жана коммерция министри Данияр Амангелдиевдин кирешеси жана мүлкү тууралуу маалыматтар да келтирилди.

 Амангелдиевдин жыл ичиндеги кирешеси 2 миллион 570,1 миң сомду түздү. Бул анын 2021-жылдагы айлык маянасы 214,17 миң сомду түзгөнүн билдирет. Ошол эле учурда Данияр Амангелдиевде турак-жай да, автоунаа да жок. Бирок 430 миң сомдук бодо мал жана 140 миң сомдук майда мал бар.

Экономика жана соода министринин эң жакын туугандары Toyota Sequoia жол тандабас унаасына ээлик кылышат. Аткаминер анын баасын, кыймылдаткычынын көлөмүн жана чыгарылган жылын көрсөткөн эмес.

Булак: NazarNews.kg