2022-жылы 17-февралда “Кыргыз Республикасындагы жол кыймылы жөнүндө” КР мыйзамына өзгөртүүлөрдү киргизүү жөнүндө” мыйзам долбоору экинчи ирет коомдук талкууга коюлду.

Демилгечи – Жогорку Кеңештин депутаты Чолпон Султанбекова.

Документке ылайык, “КРдагы жол кыймылы жөнүндө” Кыргыз Республикасынын Мыйзамына ѳзгѳртүүлѳрдү киргизүү тууралуу” Кыргыз Республикасынын Мыйзам долбоору Кыргыз Республикасынын аймагында каттоого алуу, пайдаланууга киргизүү жана жол кыйымылына катышуу үчүн рулдук башкаруусу оң тарапта жайгашкан транспорт каражаттарын ташып келүүгѳ тыюуну алып салуу максатында иштелип чыккан.

Оң рулдуу автомобилдер жол-транспорттук окуялардын (ЖТО) күнѳѳкѳрлѳрү болуп жатат деп эсептеп, Кыргыз Республикасынын Ички иштер министрлиги 2015-жылы оң рулдуу транспорт каражаттарын ташып кирүүгѳ тыюу салууну демилгелген.

Бирок, статистика боюнча авариялардын 60%ы жол эрежелерин билбегенден улам келип чыгып жаткандыгын белгилеп кетүү зарыл, т.а., авариялардын себеби рулдун жайгашуусуна карай эмес, тескерисинче, ошол рулда ким отурат жана айдоочу күбѳлүктү ошол айдоочу кантип алгандыгында болуп жатат.

Акыркы жылдары Кыргыз Республикасынын аймагына Армения, Абхазия жана Россия сыяктуу ѳлкѳлѳрдѳн оң рулдуу автомилдер кѳп санда ташылып келип жатат, жана жеткирүүнүн азыркы колдонуудагы схемасы республикалык бюджетке зыян алып келүүдѳ. Тактап айтканда, бажы пошлиналары, тариздѳѳдѳгү жыйымдар, кыймылдуу мүлккѳ салык жана “Коопсуз шаар” долбоору боюнча ЖКЭни бузгандыгы үчүн айып пулдартѳлѳнбѳй калып жатат.

Андан тышкары, бул автомашиналардын абалы, ѳзүңүздѳр билгендей, начар. Кыргыз Республикасынын жарандарынын чыгымдарынын негизги үлүшү ошол автомобилдерди кармоого, анын оңдоп-түзѳѳсүнѳ, күйүүчү майына ж.б. кетип жатат. Чынында, кѳптѳгѳн жарандарыбыз үчүн автотранспорттук каражат үй-бүлѳсүн багууга кирешенин жалгыз булагы болуп саналат.

ЕАЭБдин бажы кодексине ылайык, оң рулдуу автотранспорттук каражаттарды ташууга тыюу ЕАЭБ ѳлкѳлѳрүнүн аймагында жок болуп саналат.

Ошентип, рулдук башкаруусу оң тарабына жайгашкан транспорттук каражатты каттоо, пайдаланууга берүү үчүн ташып келүүгѳ тыюуну жокко чыгаруу тѳмѳнкүлѳргѳ мүмкүндүк берет:

- автомобилдер паркынын бир топ жаңылануусу;

- зыяндуу заттардын чыгындысынан экологиялык абалды жакшыруусу;

- калктын жакшыртылган техникалык мүнѳздѳмѳдѳгү автомобилдерге керектѳѳсү канааттануусу;

- республикалык бюджеттин толтурулушу.

Эскерте кетсек, буга чейин Жогорку Кеңештин депутаты Марлен Маматалиев дагы ушундай демилгени көтөрүп чыккан.

Булак: NazarNews.kg