Грузияда деле депутаттарын койго теңешет экен

Журналист: NAZARNEWS

11.09.2019, 5:41

18258

дүйнө жүзүндө

«Стыдно» кыймылынын өкүлдөрү парламентинин алдына 9 баш койду айдап келишти. Анын себеби Георгия Гахарии башында турган өкмөткө парламенттин ишеним артышы экен.

«Стыдно» кыймылынын лидерлеринин бири 9 койду көргөзүп, “калганы парламенттин ичинде олтурат. Койлор гана айдаган жагыңа басып, буйрук аткара алат. Биздин парламентарийлер да койлорго окшоп жогорку жактын буйругун угуп, кнопканы бас десе басышат” - деди.

Атаң гөрү биздин эле эл өкүлдөрү өйдө жакты карап, көздөрү жайнап, айтканыңды аткарат экен десе, башка жактарда деле бар турбайбы. Биздикилер деле айрым парламентарийлер айтмакчы “кнопка баскыч” машинеге айланышып калышканын акыркы кездердеги шайлап берүүлөрдө байкап эле келатабыз да.

Акыркы кезде парламент таркатуу боюнча коомдук сунуштар көп болгонуна карабай, өлкөнү граждандык “согушка” шыкактап туруп эс алууга кетип калган парламент, кебелбей келип ишин улантып жатканы “кой үстүнө торгой уялаган” жашоодон кабар береби? Таңбыз, деп Факты.kg гезити өз пикирин коомчулукка жарыялаган.

Булак: NazarNews.kg