Кытайдын технологиялык гиганты Huawei 3-сентябрда дүйнөдөгү биринчи спутникти иштеткен смартфонду ишке киргизди, ал эмитен эле чоң ызы-чуу болуп, компаниянын бүткүл өлкө боюнча чекене дүкөндөрүнө көп сандаган сатып алуучуларды тартууда. Бул тууралуу NazarNews маалыматтык агенттигине кытайлык CCTV plus агенттиги билдирди. 

"Мени анын интернетке туташуу ылдамдыгы, ошондой эле анын операциялык тутумунун колдонуучу интерфейси көбүрөөк кызыктырат. Менимче, бул бүткүл уюлдук телефон индустриясынын прогрессине алып келет ", - деди Гуанчжоу шаарындагы дүкөндүн бир кардары(Гуандун провинциясы, Түштүк Кытай).

Huawei компаниясынын айтымында, жаңы телефондун колдонуучулары спутниктик байланыш аркылуу башка смартфонго сигналдын камтылышын чектөөсүз түз чалса болот, б.а. каалаган шарттарда, жада калса тоонун чокусунда, жада калса ачык океанда да чалууга болот.

"Телефон уюлдук сигнал жок учурда спутниктик чалууларды колдойт. Кээ бир блоггерлер аны сынап көрүшүп, көп кабаттуу үйлөрдүн үстүнкү кабаттарынан чалганда да байланыш сигналы абдан так экенин айтышат", - дейт дүкөндүн жетекчиси Чжэн Лэшэн.

"Мен телефонду]сынап көрдүм жана маалымат берүүнүн ылдамдыгы абдан таасирдүү. Мен негизинен анын фото жана видео мүмкүнчүлүктөрүн сынап көрдүм, мен тарткан видео абдан сапаттуу болуп чыкты", — дейт блогерлердин бири.

Huawei компаниясынын расмий маалыматтары көрсөткөндөй, Mate 60 Pro өндүрүшүндө колдонулган 10 000ден ашык компоненттер ата мекендик өндүрүш. 2023-жылдын биринчи жарымында компания изилдөө жана өнүктүрүүгө 82,6 миллиард юань (болжол менен 11,3 миллиард АКШ доллары) инвестиция кылды, бул өткөн жылдын ушул мезгилине салыштырмалуу 3,5 миллиард юаньга (болжол менен 479,2 миллион АКШ долларына) көп.

Булак: NazarNews.kg