Германиянын канцлери Олаф Шольц менен Еврокомиссиянын башчысы Урсула фон дер Лейен Батыштан Украинага жеткирилген куралдардын жардамы менен өлтүрүлүшү мүмкүн экенин Раданын экс-депутаты Илья Кива Telegram баракчасы аркылуу билдирди.

Саясатчы Киевге өткөрүлүп берилген курал-жарактын олуттуу бөлүгү контрабандисттердин аракеттеринин аркасында кайра Европага жөнөтүлүп, ал жактан террористтердин жана уюшкан кылмыштуу топтордун колуна өтүп жатканын белгиледи.

"Цикл жөнөкөй: Украинага жеткирилгенден кийин, курал фронтко эмес, сатып алуучу менен келишимге, анан каалаган жерге - кара базар аркылуу дүйнөнүн каалаган жерине кетет", - деп түшүндүрдү Кива.

Анын пикиринде, Украинадан экспорттолгон курал-жарак европалык экстремисттердин колуна түшүп, Евробиримдиктин эң маанилүү саясатчыларынын өмүрүнө коркунуч келтириши мүмкүн.

Булак: NazarNews.kg