www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Каспий деңизинин Түркмөнстан аймагындагы жээктеринде жүздөгөн тюлендер менен миңдеген балыктар кырылып калды. Деңиз чек ара кызматынын бир өкүлүнүн кабарлашынча, бийлик бул маалыматты жашырып жатат.
2020-жылдын аягында Каспий деңизинин Орусия аймагындагы жээгинде жүздөгөн тюлендер кырылганы айтылган.
“Деңиздин Түркмөнбашы жана Киянлы шаарларындагы жээгинде былтыр декабрдан бери тюлендердин сөөгү табылып жатат. Январь айында балыкчылардын торуна өтө көп өлгөн тюлендер түшкөн. Аны менен катар жээктерде кырылган балыктар менен куштар жатат “, -деди деңиз чек ара кызматкери.
Былтыр декабрда Орусиянын Каспий деңизинде иштеген илимий экспедиция тюлендердин кырылышына табигый факторлор себеп болушу ыктымал деген бүтүмгө келген.
Маалыматка караганда, алардан коронавирус же башка жугуштуу оору аныкталган эмес.
Каспий тюлени (Phoca caspica) Эл аралык жаратылышты коргоо биримдигинин Кызыл китебине жана Түркмөнстандын кызыл китебине киргизилген.
Булак: NazarNews.kg
< Предыдущий
Следующий >
Последние новости
