www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Парламент кремацияга уруксат берүүнү 2040-жылга чейин убактылуу токтотууну жактырды. Мындай чечим бүгүн, 25-июнда Эмгек, социалдык камсыздоо, миграция жана саламаттыкты сактоо боюнча комитетинин жыйынында «Сөөктү көмүү жана жасалган иштер жөнүндө» мыйзамдын 24-беренесинин ишин убактылуу токтотуу тууралуу" мыйзам долбоорун талкуулоодо кабыл алынды.
Бул түзөтүүлөрдүн демилгечиси — Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиги.
Буга чейин мамлекеттик агенттиктин директорунун орун басары Бактыгүл Үсөналиева белгилегендей, сөз «Сөөктү көмүү жана жасалган иштер жөнүндө» мыйзамдын крематорийлерди куруу мүмкүнчүлүгүн караган 24-беренеси тууралуу болуп жатат.
Убактылуу токтотуунун негизги себептери:
- Кыргызстанда керектүү инфратүзүм жок;
- Каржылоо булактары аныкталган эмес;
- Экологиялык, санитардык жана социалдык-маданий аспектилер жөнгө салынган эмес;
- Крематорийлерде иштей ала турган адистер жок.
Ушуга байланыштуу бул норманын ишин 2040-жылдын 1-январына чейин убактылуу токтотуу сунушталууда.
Демилгечилер бул чечим укуктук боштуктарды жоюуга жана келечекте кремация практикасын киргизүү мүмкүнчүлүгүнө комплекстүү мамилени иштеп чыгууга багытталганын баса белгилешет.
Депутаттар мыйзам долбоорун үчүнчү окууда жактырышты.
< Предыдущий
Следующий >
Последние новости
