www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Орусия мындан ары да Сирияга жардам берүүсүн улантат. Бул тууралуу Кремлдин басма сөз катчысы Дмитрий Песков билдирди. Бирок ал Дамаскка орус вакцинасы кандай шарттарда берилип жатканы боюнча так маалымат берген жок.
Буга чейин The New York Times басылмасы Израиль Сирияда кармалган жаранын кайтарып алуу үчүн Дамаскка орусиялык «Спутник V» вакцинасын сатып берүүгө макул болгонун кабарлаган.
Өткөн жумада Израилдин премьер-министри Биньямин Нетаньяху Орусиянын президенти Владимир Путин менен эки жолу сүйлөшүп, Сирияда кармалган жаранын кайтарууга жардам берүүсүн өтүнгөнүн билдирген. Көп өтпөй израиль жараны Москвага жеткирилип, 19-февралда Тель-Авивге учуп кеткен.
Израиль бул үчүн Дамаскка Голан дөңсөөсүндө кармалган эки сириялыкты өткөрүп бергени кабарланган. Бирок айрым маалымат каражаттары жарандар менен алмашуу жөн гана формалдуулук болгонун белгилеп, чынында Дамаск Израилге орусиялык вакцинаны сатып берүү талабын койгонун жазып чыгышты. Haaretz израиль гезитинин маалыматына караганда, кеп жүз миңдеген доза вакцина жөнүндө болууда.
Булак: NazarNews.kg
< Предыдущий
Следующий >
Последние новости
