Беларуссиянын президенти Александр Лукашенко Беларуссиянын Украинадагы “атайын аскердик операциясына” катышып жатканын ырастады, деп билдирет БелТА.

"Украинадагы атайын аскердик операцияга катышуубузга келсек, биз ал жакка катышып жатабыз. Биз муну жашырбайбыз. Бирок биз эч кимди өлтүрбөйбүз. Биз аскерлерибизди эч жакка жөнөтпөйбүз. Биз өзүбүздүн милдеттенмебизди бузбайбыз", — деп билдирди ал аскердик коопсуздук боюнча кеңешмеде.

Анын айтымында, өлкөнүн катышуусу жаңжалдын Беларуссиянын аймагына жайылышын алдын алуу болуп саналат.

"Экинчиден, Польша, Литва жана Латвиянын атайын аскерий операциясына жамынып Белоруссияга сокку урууга жол бербөө. Жогоруда айткандай, Беларуссиянынн аймагынан орустардын артына эч ким ок чыгарбайт. Мына биздин катышуубуз.

Биз Украинадан бизге күнүнө 400-500дөн келген ошол качкындарды, кайырчыларды, кедей-кембагалдарды багуудабыз. Согуштук операцияга биздин катышуубуз ушундай. Башкасы жок жана болбойт», - деди Лукашенко.

Беларусь президенти Украина 15 миң аскер кызматкерин Беларуссиянын чек арасына чейин чогултуп, көзөмөл-өткөрмө пункттары менен ок атуу позицияларын инженердик жабдуулар менен камсыздап, жол тосмолор орноткондугун билдирди.

«Бир сөз менен айтканда, ал жөн эле тосмо салбастан, дубал тургузуп, биздин аймакка, аскерлерге, объектилерге оптикалык, радиоэлектрондук, радиотехникалык чалгындоо иштерин жүргүзүп келет. Көп учурда дрондору менен мамлекеттик чек ара сызыгын бузуп турат”, - деди Александр Лукашенко.

Мындан тышкары, Лукашенко Беларуска мобилизация жарыялоонун кереги жок, бирок Орусиянын тажрыйбасын эске алып, аскердик кызматка милдеттүүлөрдү каттоо жана ошого жараша резервдегилерди даярдоо боюнча иштерди уюштуруу керектигин айтты.