Мэриядагы ууру табылды

Журналист: NAZARNEWS

03.10.2019, 5:24

18803

саясат

2019-жылдын 28-август күнү Жалал-Абад шаарынын 1983-ж.т. тургуну Э.Зияйдинов арыз менен кайрылган. Себеби ошол эле күнү болжол менен саат 11:30 чамасында Жалал-Абад шаардык мэриясынын 3-кабатындагы жумуш бөлмөсүндөгү капчыгын, анын ичинде 100 (жүз) АКШ доллары, 5550 (беш миң беш жүз элүү) сом, 1 (бир) даана «Оптима банк» карточкасы жана ID жарандык паспортун белгисиз кылмышкерлер уурдап кетишкен. Бул тууралуу Жалал-Абад ОИИБнин басма сөз кызматы билдирди.

Бул арыздын негизинде окуя болгон жерге кароо жүргүзүлүп, тиешелүү материалдар топтолуп, Жалал-Абад ШИИБнин КЖБРне “Уурдоо” фактысы менен катталып, КРнын КЖКнин 200-бер. 1-бөл. негизинде сотко чейинки өндүрүш иши ачылган.

Берилген тергөө тапшырмасынын негизинде Жалал-Абад ШИИБнин КМКнын опер кызматкерлери ыкчам иликтөө иштеринин натыйжасында 2019-жылдын 2-октябрь күнү Жалал-Абад шаарынын 2003-ж.т. Т.О. аттуу тургуну шектүү катары кармалып, тергөө кызматына өткөрүлүп берилген.

Кылмыш иши боюнча учурда тергөө амалдары жүргүзүлүүдө.

Булак: NazarNews.kg