“Өз убагында Американын аскердик авиабазасын чыгарып салган, көрөгөчтүк кылыптыр, антпесе азыр Кыргызстан дагы Ирандын бутасына айланмак”, - деп А. Атамбаевди алкап жатышат.

Биринчиден, "Манастагы" АКШ аскер базасы америкалыктардын Афганистандагы аскерлерин гана тейлеген, Иранга түз тиешеси жок.

Экинчиден, Кыргызстан ЖККУ (ОДКБ) мүчөсү, үчүнчү тараптын бул уюмдагы бир өлкөгө кол салуусу - ЖККУнун бардык мүчөлөрүнө - Россия, Казакстан, Тажикстан, Беларусь, Арменияга кол салуу катары бааланат.

Үчүнчүдөн, Орусия менен Кытай Иранды эл аралык деңгээлде (БУУ, МАГАТЭ ж.б. уюмдардын алкагында дагы) абдан катуу колдоп, коргоп келе жатышат. Кыргызстан Россия менен Кытайдын кызыкчылыктарынын аймагына кирээрин эске алганда, Иран КРга кол салбайт.

Булак: NazarNews.kg