Нарын районунун Миң-Булак айылында 300дөй киши чогулуп, Солтон-Сары алтын кенин иштетүүгө каршы жыйын өткөрдү. Ага миңбулактыктардан сырткары Эмгекчил, Он-Арча айылдарынын тургундары катышты. Алар бийликке "кенди иштеткен компания ишин токтотуп, чыгып кетсин" деген талап коюшту. Ага Нарын районунун акими Семетей Черикбаев жана саясатчы Адахан Мадумаров катышты.

Солтон-Сарыда кен казуу жана чалгындоо иштерин жүргүзүш үчүн кытайдын “Jhong ji Mining” компаниясы Мамлекеттик геология агенттигинен лицензияны 2012-жылы алган жана анын негизинде быйыл кен иштетүүчү комбинат курулмак. Лицензия берилген аймакта 11 тоннага жакын алтын бар экени айтылууда. Учурда кенге барчу жол салынууда.

Солтон-Сары алтын кенинде "Кыргызалтынга" тийиштүү алтын комбинаты бар. Жергиликтүү тургундар "комбинаттан чыккан саркынды суу жайытка тарап, мал-жанга зыян тийгизип жатат" деп кабатыр болуп келишет. 

Белгилей кетсек, аталган ишкана жерди убактылуу пайдалануу үчүн 2030-жылга чейин мамлекеттен уруксат алган.

Булак: NazarNews.kg