Нур-Султандын аэропортунда №12 автобус күйүп кетти. Бул тууралуу казак маалымат булактары жазып чыкты.

Маалыматка караганда бүгүн, 8-январда 09:09да  Нур-Султандын эл аралык аэропортунда шаардын маршруттук №12 автобусунун кыймылдаткычы күйүп кеткен. Өрт 09:24тө күчкө кирип,саат 09:31 чамасында өчүрүлгөн.  Окуя болгон жерге өрт өчүргүчтөр келгиче жүргүнчүлөр автобсутун ичинен өздөрү чыгып кетишкен.

Жабыркагандар жок. Өрттү өчүрүүгө бир өрт өчүрүүчү унаа жана алты өрт кызматкерлери тартылган.

Учурда өрттүн келип чыгышы такталып жатат.

Булак: NazarNews.kg