Бир жыл ичинде "ооганчы" деген атты жамынып жүргөн дагы 73 киши аныкталган. Аскердик прокуратуранын маалыматы боюнча, алардын мамлекетке тийгизген зыяны 24 млн. сомду түзгөн, - деп жазат "Азаттык".

Дооматка кабылган адамдардын өздөрү комиссиянын тыянагы эртелей жарыяланып, "жалган ооганчылар" деп бир жактуу аныктама берилгенине нааразы.

УКМКнын, ИИМдин, Социалдык өнүктүрүү министрлигинин, Экономикалык кылмыштарга каршы күрөш боюнча мамлекеттик кызматтын (Финансы полициясы), ооганчы-ардагерлердин өкүлдөрү кирген мекеме аралык комиссиянын жаңы жылга карата берген маалыматы боюнча, "жалган ооганчыларга" берилген социалдык төлөмдөрдүн суммасы акыркы сегиз жылда 129 млн. 156 миң сомго жеткен.

Булак: NazarNews.kg