ОшТУда калыстык бар, коррупция жок!

Журналист: NAZARNEWS

06.08.2019, 23:50

41579

коом

Орто жана жогорку окуу жайларына талапкерлерди кабыл алуу өнөктүгү өлкөбүздүн бардык булуң-бурчунда абдан кызыды. ОшТУга кирип баратып, кубанычы койнуна батпаган майып кызга жолугуп, капыл-тапыл кепке тарттым.

-Аты-жөнүң ким?

-Меңдиайым Сүйүнбай кызы.

-Кечирип коесуз, сылтып басканыңызга караганда майып өңдөнөсүз?

-Ооба. Экинчи топтогу майыпмын.

-Сүйүнгөнүңүздөн улам окууга өткөн окшойсуз, ээ?

-Туура эле баамдапсыз. ОшТУга документтеримди тапшырган элем. ЖРТнын жыйынтыгында 117 балл алыпмын. Университеттин кабыл алуу комиссиясы дагы өзүнчө чакан сынак-баарлашуу уюштуруп, акырында мени бюджеттик
тайпага өткөрүштү.

-Чындык бар бекен?

-Албетте! Кыргызстандагы бардык ЖОЖдордой эле ОшТУда деле тааныш билишчилик жана жемкорлук күч деп ойлогомун. Көрсө, абдан катуу жаңылыпмын. Буерде - ОшТУда теңирден тескери-мыйзамсыз көрүнүштөргө таптакыр
жол беришкен жок!

-Меңдиайым, окууга го акыры өттүң. Эми үмүттү актаар бекенсиң?

-Ошентип, ОшТУнун колдонмо информатика адитигине бюджеттик негизде окуймун. Университетти толук кандуу билим алууга заманбап шарттар жаратылыптыр. Болочокто модельер-дизайнер боломун. Анан Кыргызстандагы жеңил өнөр жайын өнүктүргөнгө колумдан келишинче салым кошсом деген изги тилектемин, деп “Майдан. kg” гезити өз пикирин коомчулукка жарыялаган.

Булак: NazarNews.kg