2019-жылдын январдан июль айына чейин Өзбекстан башка мамлекеттерге караганда 3,4 млрд.долларлык алтын сатты. Бул тууралуу Бүткүл дүйнөлүк алтын кеңеши (World Gold Council) билдирди.

Акыркы 5 жылда Өзбекстан бир нече жолу алдыга чыккан. Мисалы, 2015-жылы 823,9 миллион доллар, 2016-жылы 738,2 миллион доллар, 2017-жылы,1,6 миллиард доллар чапчыган алтын казып алышкан. Ал эми июнь айында эле алтын үчүн 1 унция 1 миң 397,7 долларга бааланган.

Эске сала кетсек, Өзбекстан ар жылы 70-80 тонна алтын сатат. Алсак, 2016-жылы 70 тонна, 2017-жылы 80 тонна, 2018 жылы дагы 70 тонна экспорт кылынча, бул жылы 80 тонна сатуу пландалып жатат.

Кыргызстанда "алтын көп" деп мактанганыбыз менен айкырып-кыйкырып жатып, канча алтын сатылганы бүдөмүк боюнча калтыруудабыз. Алсак “Кумтөрдөн” чыккан алтын менен “Бозумчактан” канча алтын чыгып, кайсы жака кетип жатканы белгисиз...

Кубанычбек Исабековдун, "Кумтөрдөгү "алтын" мафия" китебине таяна турган болсок, 1993-жылы Өкмөттүн токтому менен канадалыктарга 10 миң 70 гектар жер ижарага берилген. Бирок, Кыргыз Өкмөтүнүн тийиштүү мекеме уюмдары жердин чек арасын так аныктап беришкен эмес. Ушундан улам, акыркы жылдарга чейин тигил жактан 20 гектар, бул жагынан 40 гектарды ээлеп, улам жылып, аянтын кеңейте беришкен. 

Алсак, "Кумтөр" 1978-жылы ачылган. Такталып бекитилген запасы 716 тонна алтын, 388 тонна күмүш, 1 500 тонна вольфрам. 

Учурда "Кумтөрдөн" Кыргызстанга белек катары, тоодой таштандылар калууда. 

Булак: NazarNews.kg